Liverpool “shkërmoq” Chelsean për dy minuta. Sërish në krye të Premier League

Liverpool “shkërmoq” Chelsean për dy minuta. Sërish në krye të Premier League

Liverpooli ia la kryesimin vetëm dy orë Manchester Cityt, pasi në ndeshjen kryesore të javës së 34-t në Premier League mundi Chelsean 2-0.

Pas një pjese të parë pa gola, Sadio Manè dhe Mohamed Salah shënuan dy herë në harkun e dy minutave, duke zhvlerësuar çdo rezistencë që kishin bërë londinezët deri atëherë.

Goli i egjiptianit ishte një kryevepër që shkaktoi ovacione në “Anfield Road” për ekipin që kryeson, por që faktikisht ka luajtur një ndeshje më shumë sesa rivalët e “Citizens”.

Këta të fundit regjistruan një sukses të merituar 3-1 në fushën e Crystal Palace, teksa sprinti final i sezonit për titullin kampion në Angli ka hyrë në javët vendimtare.

COMMENTS