Jari falenderon Martin Henz për këshillat ndaj Kaçit të Bardhë!

Jari falenderon Martin Henz për këshillat ndaj Kaçit të Bardhë!

Jari lexoi sot me ëndje një reagim të Kaçit të Bardhë kundër Edi Ramës, ku i kishte numuruar gjithë epitetet e mundshme, drogaxhi, qen, i pabesë, i palarë, i pafytyrë, i paditur, i panxënë, i pasjellshëm etj.

Pasi e lexoi me kujdes reagimin e Kaçit të Bardhë, Jari u bë pak xheloz. Vetëtimthi i shkoi në mendje se Kaçi i Bardhë mund të ishte këshilluar me Martin Henz, këshilltarin e Merkel, pasi Kaçi ka qenë dhe me studime në Gjermani, kur iku në azil në vitin 1994, pasi kërcënoi demokratët se do t’u çante kafkat dhe u quajt “Kaç i Zi”.

Të dashur demokratë!

Jari ju sqaron.

Siç e dini, strategjinë e tanishme të opozitës e drejton këshilltari Martin Henz. Nëse i hidhni një sy reagimit të Kaçit të Bardhë, do ta kuptoni lehtë se aty ka një dorë të huaj që e ka stërvitur dhe i ka dhënë emocion dhe peshë fjalës së tij. Këtu duket realisht se sa shumë punë i është dashur një këshilltari që ta transformojë një personalitet, duke e kthyer nga Kaçi i Zi në Kaçi i Bardhë.

25 vite më parë, ai kërcënonte me thyerje kafkash dhe vrasje. Sapo Martin Henz e mori në dorë, ai e ka transformuar, e ka bërë njeri urban, të civilizuar, që heq dorë nga vrasjet dhe kërcënimet patetike dhe i është përkushtuar më shumë analizës dhe vlerësimit real të armikut, para se të veprojë.

Me vlerësimet e Kaçit të Bardhë për Edi Ramën, opozitarët e kuptojnë se nuk kanë përballë ndonjë armik të rrezikshëm, por një njeri kot që mund të mundin kur të duan. Ai është ashtu siç e përshkruan Kaçi i Bardhë, një zhuls i palarë, i paditur dhe i pakulturuar, që ne nuk e kemi fare në llogari.

Këshillat e Martin Henz, kanë bërë që energjia e Kaçit të Bardhë të harxhohet në vendin e duhur. Kjo i jep shumë shpresë opozitës shqiptare.

Me rastin e pushimeve të Vitit të Ri, Martin Henz do shkojë në Gjermani dhe do të takojë kancelaren Merkel që t’i raportoj për gjendjen në PD dhe kontributin e personave aty. Natyrisht vlerësimi për punën e Kaçit do të jetë në krye të bisedës. Është vërtet një mrekulli.

I juaji Jari!