Debat në Bundestagun gjerman për negociatat me Shqipërinë: Qershor apo Shtator?!

Debat në Bundestagun gjerman për negociatat me Shqipërinë: Qershor apo Shtator?!

Ndërsa jemi në prag të publikimit të progres-raportit të Bashkimit Evropian për Shqipërinë dhe vendet e tjera të Ballkanit Perëndimor si Maqedonia e Veriut.

Por mes Partisë Socialdemokrate Gjermane dhe Unionit Kristiandemokrat e Kristiansocial në Bundestag po vihen re dallime në lidhje me çeljen e negociatave me Shqipërinë dhe Maqedoninë e Veriut.

Socialdemokratët kërkojnë që negociatat të çelen menjëherë këtë qershor, e ndërsa Unioni Kristiandemokrat dhe Kristiansocial duan ta lenë për në shtator datën e trajtimit të kësaj teme.

Korrespondentja e Deutsche Welles në Berlin, Anila Shuka, ka treguar për Top Channel, se në Bundestang ndjehet një klimë nervozizmi për këtë çështje.

Sipas saj, ministri i Shtetit për Evropën në Ministrinë e Jashtme të Gjermanisë, Michael Roth, këmbëngul se tani është momenti që duhet votuar për çeljen e negociatave për dy shtetet Ballkanike, pasi, së pari çdo vendim tjetër do të sillte një humbje të besimit të Ballkanit tek BE, së dyti, dy shtetet, veçanërisht Shqipëria, i kanë plotësuar të gjitha kushtet.

E së treti, sinjalet pozitive që do të dërgohen nga ky vendim do të sigurojnë stabilitet në rajon.

Por CDU/CSU janë të mendimit se nuk do të ketë kohë për të diskutuar e për të marrë një vendim nga 26 maji deri në 4 qershor prandaj po mendojnë për shtatorin.

COMMENTS